Qyzylordada evakýator men júk kóligi soqtyǵysyp, bir adam mert boldy

QYZYLORDA. QazAqparat - Qyzylorda oblysynda jeńil kólikti tasymaldap bara jatqan «GAZel» evakýatory men júk kóligi soqtyǵysyp qaldy. Saldarynan «GAZel» júrgizýshisi oqıǵa ornynda kóz jumdy, dep habarlaıdy QazAqparat tilshisi.

Atalmysh oqıǵa Qarmaqshy aýdany Aqjar eldi mekeni tusyndaǵy respýblıkalyq mańyzy bar «Shymkent-Samara» tasjolynyń boıynda oryn alǵan. Jol-kólik oqıǵasy boıynsha QR Qylmystyq kodeksiniń 345-baby 3-bóligimen tergep-tekserý amaldary júrgizilýde

«Onda kólik quraldaryn basqaratyn adamdardyń jol júrisi men kólik quraldaryn paıdalaný qaǵıdalaryn buzý jaǵdaıy kórsetilgen. Tıisti saraptamalar taǵaıyndaldy, oqıǵanyń mán-jaıy anyqtalýda», - dep málim etti Qyzylorda oblystyq polıtsııa departamentiniń baspasóz qyzmeti QazAqparat tilshisine.