Qyzylordada etnoaýyl, murajaıy bar «Baıqońyr» týrıstik aımaǵy salynbaq

QYZYLORDA.QazAqparat - Qala men aýyldarda kásipkerlik bastamalardy qoldaý úshin osy jyly bıýdjetten 2 mlrd 307 mln teńge bólindi. Oǵan aýyldyq jerlerdegi kásipkerlerdiń 177 jobasy qarjylandyryldy. Al 113 joba HQO tirkeýde. Osy jáne basqarmanyń 2017 jyldyń birinshi jartyjyldyǵynda atqarǵan jumystary jaıynda oblystyq kásipkerlik jáne týrızm basqarmasynyń basshysy Ómirserikuly Nurjan Óńirlik kommýnıkatsııalar qyzmetinde ótken baspasóz máslıhatynda málim etti. Bul týraly QazAqparat tilshisi habarlady.

Bıznesti qoldaý men damytýǵa baılanysty baǵdarlamalar aıasynda aýyl kásipkerleri de mıkronesıeler alýǵa qol jetkizýde. «Bıznes-Bastaý» jobasy sheńberinde 494 adam oqýdan ótip, onyń 331 óz jobalaryn qorǵap shyqty.

Týrızm salasy da qarqyndy damýda. Aral aýdanyndaǵy «Qambash» kóliniń jaǵalaýynda týrıstik ınfraqurylymdy damytý maqsatynda qurylysy tez turǵyzylatyn materıaldan jasalǵan 12 turǵyn úı jumysyn júrgizýde.

Bıylǵy jyldyń aýqymdy jobalarynyń biri ol - «Baıqońyr» ǵarysh aılaǵynyń týrıstik áleýetin odan ári damytý úshin Kanaveral múıisindegi ǵaryshtyq týrızmniń damýy úlgisinde «Baıqońyr» týrıstik oıyn-saýyq aımaǵyn ashý» tujyrymdamasy ázirlendi. Búgingi tańda, ol respýblıkalyq deńgeıde talqylanýda. Joba qoldaý tapqan jaǵdaıda aýmaǵy 100 gektar jerde qonaq úı, etnoaýyl, arnaıy murajaı, oıyn-saýyq keshenderi salynady.

Sondaı-aq, «EKSPO 2017» halyqaralyq kórmesine óńir halqy da óz úlesterin qosýda. Kórmege 54 289 bılet satyp alynyp, oǵan 69 myńnan astam jan qatysty. Ardagerler men oqýshylardyń shyǵyndary bıýdjet qarajat esebinen qarastyrylǵan.