Qyzylordada et ónimderiniń jartylaı fabrıkattarynan ishek taıaqshalary bakterııasy anyqtaldy
Qyzylorda oblysynyń sanıtarııalyq-epıdemıologııalyq baqylaý departamenti mamandary ónimniń qaýipsizdigine monıtorıng jasaý maqsatynda birinshi jartyjyldyqta 1 111 synama iriktep aldy. Olardyń 72,3% -i taǵam ónimderi bolsa, qalǵany tamaq emes ónimder úlesine tıedi.
Saraptama nátıjesi boıynsha ónimderdiń 86 úlgisi tehnıkalyq reglament talabyna saı emes ekeni anyqtaldy. Atap aıtqanda, 14-inde mıkrobıologııalyq, 6-aýynda fızıkalyq-hımııalyq, 60-ynda tańbalaný boıynsha kemshilikter bar.
«Et ónimderiniń jartylaı fabrıkattarynan ishek taıaqshasy tobynyń bakterııasy anyqtaldy. Fızıkalyq-hımııalyq kórsetkishter boıynsha sáıkessizdikter kilegeıli maı, ýltrapasterlengen sút óniminde anyqtaldy. Máselen, maı qyshqyldarynyń massalyq úlesiniń qosyndy paıyzy boıynsha tehnıkalyq reglamentter talabyna saı emes. Sondaı-aq, sergitetin energetıkalyq sýsyn quramyndaǵy kofeın normadan tys ekendigi belgili boldy. Budan bólek, et ónimderiniń jartylaı fabrıkattaryndaǵy ylǵaldylyq kórsetkishteri de shamadan tys bolyp shyqty», - dep málim etti departamentten.
Vedomstvo málimetinshe, tehnıkalyq reglament talabyna sáıkes kelmegen taǵam ónimderi satylymnan alyndy.
Eske salsaq, budan buryn Qyzylordada sanıtarııany saqtamaǵan ashanalarǵa 1,4 mln teńge aıyppul salyndy.
