Qyzylordada «Esirtkisiz álem» halyqaralyq aktsııasy ótti
QYZYLORDA. QazAqparat - 2016 jyly maýsymda Shanhaı yntymaqtastyq uıymyna múshe memleket basshylarynyń otyrysy kezinde Elbasy Nursultan Nazarbaev kótergen bastamaǵa oraı Іshki ister mınıstrligi uıymnyń barlyq memleketteri qatysatyn «Esirtkisiz álem» atty halyqaralyq aktsııasyn ótkizýdi josparlaǵan bolatyn.
Atalǵan aktsııa respýblıkamyzdyń barlyq oblystarynda ótkizilýde.
Osyǵan sáıkes búgin, 19 sáýirde A.Toqmaǵambetov atyndaǵy mádenıet úıinde qala kólemindegi bilim berý uıymdarynyń oqýshylary men stýdentterin qatysqan aýqymdy shara uıymdastyryldy, dep habarlady QazAqparat HAA tilshisi oblystyq ІІD silteme jasap.
Aktsııanyń negizgi maqsaty jastar men jasóspirimder arasyndaǵy nashaqorlyqtyń aldyn alý, salaýatty ómir saltyn nasıhattaý bolyp tabylady.
\
Jastarǵa oń úlgi kórsetýdi maqsat etken sharaǵa Syr óńirindegi tanymal azamattar, atap aıtqanda depýtattar, sportshylar, dárigerler, ártister, ánshiler qatysyp, jastarǵa aqyl-keńesterin aıtyp, úndeý joldady.
Shara kontserttik baǵdarlamaǵa ulasty. Bıler bılenip, ánder aıtyldy, teatrlandyrylǵan qoıylymdar kórsetildi.
