Qyzylordada esirtkige qatysty 20 deregi anyqtalǵan

QYZYLORDA. QazAqparat - Qyzylorda oblysynda jyl basynan beri esirtkiniń zańsyz aınalymyna baılanysty sotqa deıingi tergep tekserý boıynsha birqatar quqyq buzýshylyqtar tirkeldi, dep habarlaıdy QazAqparat tilshisi.

«Onyń 8-i esirtki zatyn satý, 1-i esirtkini jarnamalaý deregi bolyp otyr. Sonymen qatar QR Qylmystyq kodeksiniń 296-babynda kózdelgen qylmystyq teris qylyqtyń 20 deregi anyqtalǵan. Onda esirtki, psıhotroptyq zattarmen, sol tektestermen, prekýrsorlarmen ótkizý maqsatynsyz zańsyz jumys isteý jaǵdaıy kórsetilgen», - dep málim etti Qyzylorda oblystyq polıtsııa departamentinen.

Esirtkige tosqaýyl qoıý úshin birshama is-sharalar atqarylýda. Esirtkiniń zańdy aınalymy salasyndaǵy quqyq buzýshylyqtardy anyqtaý maqsatynda bıyl «Dármek» jedel profılaktıkalyq is-sharasy ótkizildi.

Shara barysynda Qyzylorda oblysy aýmaǵynda 16 dárihana, 1 qoıma jáne 5 densaýlyq saqtaý salasyndaǵy mekemeleri tekserilip, esirtki ótkizýdiń 3 deregi jáne QR Ákimshilik quqyq buzýshylyq týraly Kodekstiń 427-babynda kózdelgen ákimshilik quqyq buzýshylyqtyń 8 deregi anyqtaldy.