Qyzylordada esirtki satqan jigit sottaldy
QYZYLORDA. QazAqparat. Qyzylordada esirtki zatyn zańsyz satqany úshin 27 jastaǵy azamat 5 jylǵa sottaldy, dep habarlaıdy QazAqparat tilshisi oblystyq ishki ister departamentiniń baspasóz qyzmetine silteme jasap.
Ol ústimizdegi jyldyń 1 aqpanynda Qyzylorda qalasyndaǵy «Astana» móltek aýdanynda tártip saqshylarynyń qolyna tústi. Ony tekserý barysynda qaltasynan gazetke oralǵan 2 dana erekshe ıisi bar jasyl tústi shópke uqsas zat tabyldy. Tekserý onyń keptirilgen marıhýana ekenin anyqtady.
«Atalǵan azamat Qazaqstan Respýblıkasy Qylmystyq kodeksiniń 297-baby 1-bóligimen (esirtki zattardy, sol tektesterdi ótkizý maqsatynda zańsyz daıyndaý, saqtaý) kináli dep tanyldy. Qalalyq sot onyń múlkin tárkileı otyryp, 5 jylǵa bas bostandyǵynan aıyrý jazasy jóninde úkim shyǵardy»,- dep jazylǵan sottyń habarlamasynda.
Avtor: Ádiljan Úmbet
