Qyzylordada esirtki qylmysyna qatysty halyqaralyq izdeýdegi kúdikti ustaldy

QYZYLORDA. QazAqparat - Qyzylordada halyqaralyq izdeýde júrgen qala turǵyny qolǵa tústi, dep habarlaıdy QazAqparat tilshisi.

Oǵan 2019 jyldan beri halyqaralyq izdeý jarııalanǵan bolatyn. Onyń ústinen QR Qylmystyq kodeksiniń 297-baby 3-bóligimen qylmystyq is qozǵalǵan. Onda esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, olardy jóneltý ne ótkizý; adamdar tobynyń aldyn ala sóz baılasýymen; asa iri mólsherdegi esirtki, psıhotroptyq zattarǵa, sol tektesterge qatysty jasalǵan qylmys jaǵdaıy kórsetilgen.

Kúdikti osy ýaqytqa deıin boı tasalap júrgen.

«Jedel ýákilder ony qala aýmaǵyndaǵy úılerdiń birinde jasyrynyp jatqan jerinen ustady. Kúdikti Qyzylorda qalalyq polıtsııa basqarmasynyń ýaqytsha ustaý abaqtysyna qamaqqa alyndy», - dep málim etti Qyzylorda qalalyq polıtsııa basqarmasynan.

Eske salsaq, budan buryn Qyzylorda oblysynda iri esirtki alqaby anyqtaldy.