Qyzylordada esirtki egýmen aınalysqan qylmystyq top basshylary qolǵa tústi
Qyzylordalyq polıtseıler iri mólsherde esirtki egýmen aınalysqan qylmystyq toptyń jolyn kesti. Bul baǵytta oblystyq Polıtsııa departamentiniń esirtki qylmysyna qarsy is-qımyl basqarmasy jáne QR Ulttyq Ulanynyń 5547 áskerı bóliminiń jasaǵy jedel-profılaktıkalyq is-sharasyn júrgizdi. Nátıjesinde tikushaqpen dalalyq aýmaqtardy barlaý kezinde Aral aýdany Jeńishkequm aýylynan 100 shaqyrym qashyqtyqta iri esirtki alqaby anyqtaldy. Ol aýmaqtan Qyzylorda qalasynda turatyn 35 jáne 58 jastaǵy eki azamat qolǵa túsip, 2479 túp sora ósimdigi tárkilendi.
«Atalǵan derek boıynsha QR Qylmystyq kodeksiniń 300-babynyń 2-bóligi boıynsha sotqa deıingi tergep-tekserý amaldary júrgizilýde. Onda quramynda esirtki zattar bar, ósirýge tyıym salynǵan ósimdikterdi iri mólsherde zańsyz egip-ósirý jaǵdaıy kórsetilgen.
Sondaı-aq, esirtki egýmen aınalysqan adamdarǵa azyq-túlik jáne qarjylaı kómek kórsetken qylmystyq top basshylary anyqtaldy. Qyzylorda qalasynda turatyn 39 jáne 42 jastaǵy eki adamnyń atalǵan qylmystyq is-áreketteri dáleldendi. Olar der kezinde ustalyp, ýaqytsha ustaý abaqtysyna qamaldy», - dep málim etti Qyzylorda oblystyq polıtsııa departamentinen.
Eske salsaq, budan buryn Qyzylorda oblysynda iri esirtki alqaby anyqtaldy.
