Qyzylordada esigi jabyq páterde ınsýlt alǵan qart ájeı qutqaryldy
QYZYLORDA. QazAqparat - Qyzylordada qutqarýshylar syrtqy esigi jabyq páter ishinde eshkim joq ýaqytta ınsýlt alyp, es-tússiz qulaǵan 90 jastaǵy qart ájeıdi aman alyp qaldy, dep habarlaıdy QazAqparat tilshisi.
Jergilikti «112» nómirine sol páterdiń turǵyny qarııa esik ashpaı jatqanyn habarlady. Oqıǵa ornyna qutqarýshylar jedel jetti. Joǵary qabat arqyly terezeden úı ishine engen olar ájeıdiń es-tússiz jatqanyn kórdi.
«Qutqarýshylar naýqasqa alǵashqy kómek kórsetti. Odan keıin jedel járdem qyzmetine tabystady. Dárigerlerdiń anyqtaýynsha, naýqas ınsýlt alǵan. Bul sharaǵa 4 qutqarýshy, bir meıirbıke qatysty», -dep málim etti Qyzylorda oblysy tótenshe jaǵdaılar departamentiniń órt sóndirý jáne avarııalyq-qutqarý qyzmeti.