Qyzylordada erkin kúresten kadetter arasynda Qazaqstan chempıonaty ótti
ALMATY. 12 jeltoqsan. QazAqparat /Erlik Erjanuly/ - Almatylyq Ádilet Altaev erkin kúresten kadetter arasynda el chempıony atandy.
Jeltoqsannyń 10-11 kúnderi Qyzylordadaǵy «Eýrazııa» sport keshenide ótken bul dúbirli dodaǵa respýblıkanyń túkpir-túkpirinen 240 balýan qatysqan bolatyn. Onda beıresmı komandalyq esepte qaraǵandylyqtardyń mereıi ústem boldy. Olardan 1 altyny kem ońtústikqazaqstandyqtar ekinshi orny aldy. Al almatylyq, astanalyq jáne pavlodarlyq balýandar jeńistiń bıik tuǵyryna bir-bir retten kóterildi. Atap aıtqanda qaraǵandylyqtardan Javohır Irıstaev (32 kg), Muhambet Qýanbek (47 kg), Zýlfıkar Mahamadov (59 kg) pen Shamıl Mýrtazov (85 kg), ońtústikqazaqstandyqtardan Nurjan Seıitjan (38 kg), Ashat Aıdarhan (53 kg) pen Hamıt Álimjan (66 kg) astanalyqtardan Dýlat Nurǵoja (35 kg), almatylyqtardan Ádilet Altaev (73 kg), pavlodarlyqtardan Rıfat Saıbotalov (42 kg) el chempıony atandy.
