Qyzylordada epıdemıologııalyq ahýal taqyrybynda jaýap beretin koll-ortalyq quryldy
Bul oryn oblystyq Jastar densaýlyq ortalyǵy janynan qurylǵan. Onda kópshilikten kelip túsken suraqtar men árbir qońyraýǵa mamandar tarapynan jaýap beriledi. Ortalyq mamandary ol máseleniń sheshilýine de kómektesedi. Oǵan qosa mamandar epıdemıologııalyq ahýalǵa qatysty barlyq aqparattardy kópshilik nazaryna usynady.
Atalǵan ortalyqta 14 maman qyzmet atqarady. Qyzmetkerler aptanyń jeti kúninde táýlik boıyna halyqpen baılanys júrgizedi.
Jaqynda atalǵan ortalyq jumysymen oblys ákiminiń orynbasary Naýryzbaı Baıqadamov pen oblystyq densaýlyq saqtaý basqarmasynyń basshysy Sábıt Pazylov tanysty. Júzdesý barysynda atqarylatyn is-sharalar barysy pysyqtaldy.
«Turǵyndar ortalyq qyzmeti arqyly densaýlyǵyna, koronavırýs ınfektsııasy, onyń aldyn alý jáne taralý joldaryna baılanysty saýaldaryna jaýap ala alady. Sondaı-aq, dárimen qamtamasyz etý jóninde de saýal qoıýyna múmkindigi bar. Buǵan qala emhanalarynyń mamandary tartylyp otyr», - dedi oblystyq jastar densaýlyǵy ortalyǵynyń dırektory Janar Qalmaqova.
Sondaı-aq, Qyzylordada mobıldi toptar qyzmeti tıimdiligin kórsetti.