Qyzylordada energııa baǵasyn zańsyz kótergender jazalandy

QYZYLORDA. QazAqparat - Qyzylorda oblysynyń prokýrorlary elektr energııasynyń baǵasyn jónsiz ósirgenderdiń jolyn kesti, dep habarlaıdy QazAqparat tilshisi.

Oblystyq prokýratýra baspasóz qyzmetiniń málimetterine qaraǵanda, tekserý nátıjesinde «Qyzylorda elektr taratý toraptary kompanııasynyń» 73,5 mln teńge kóleminde negizsiz tabys alǵany anyqtaldy.

«Prokýrorlyq qadaǵalaý aktisi negizinde monopolıstpen ýaqytsha ótemdik tarıfi engizilip, sonyń nátıjesinde elektr energııasyn berý qyzmetiniń quny kVt/saǵatyna 4,945-ten 4, 934 teńgege deıin tómendetildi. Tabıǵı monopolııalar zańnamasyn buzǵany úshin kásiporyn ÁQBtK-niń 164-baby 5-bóligimen ákimshilik jaýaptylyqqa tartylyp, oǵan 1,4 mln teńge kóleminde aıyppul salyndy», - delingen habarlamada.

Eske sala ketsek, jýyrda Elbasy Qazaqstanda elektr energııasy qunyn tómendetýdi tapsyrǵan bolatyn.