Qyzylordada eńbek sabaqtastyǵy forýmy ótti
QYZYLORDA. QazAqparat - Búgin Qyzylordada Eńbek áýletteriniń ІІІ- oblystyq forýmy ótti. Onda aımaqtaǵy temirjolshylar, dárigerler, ustazdar, dıhanshylar jáne ózge de eńbek dınastııalary qoǵamǵa joǵary kásibı mamandar ázirleýge úlken úles qosqany úshin oblys ákiminiń alǵys hatymen jáne baǵaly syılyqtarmen marapattaldy.
Bıyl oblysta 8 eńbek áýleti jeńimpaz dep tanyldy. Olardyń arasynda eńbek tájirıbeleri 700 jyldan asatyn áýletter de bar. Máselen, Ábdirahmanovtardyń temirjol salasyndaǵy tájirıbesi 752 jyl bolsa, ustazdyq jolyn jalǵap kele jatqan Ostaevtar áýletiniń jalpy tájirıbeleri 800 jyldan asady.
Oblys ákimi Qyrymbek Kósherbaev eńbek dınastııalaryn ulyqtaýdyń, qarapaıym eńbek adamdaryn qurmetteýdiń mańyzyna erekshe toqtalyp, sharaǵa arqaý bolǵan eńbekshi otbasylaryn merekemen quttyqtady.
- «Eńbek - álemniń ámirshisi» deıdi halyq danalyǵy. Syr eliniń dańqyn dala akademıgi Ybyraı Jaqaev bastaǵan 102 Sotsıalıstik Eńbek Eri shyǵarsa, er-azamattarmen birdeı ıyq tirestire eńbek etip, memleket baılyǵyn eselep ósirgen Shyrynkúl Qazanbaeva, Sálıma Jumabekova, Ulbala Altaıbaeva, Jadyra Taspambetova, Zákıra Erjanova sııaqty aqjaýlyqty analarymyzdyń eren eńbekteri búgingi jas urpaq úshin ańyzǵa aınaldy. Dala tósin dúbirletken Eńbek Erleriniń jalǵasy Syr eliniń perzentteri - kásipker Abzal Eralıev pen densaýlyq saqtaý salasynyń maıtalmany ıÝrıı Pıa syndy Eńbek erleri - Táýelsiz Qazaqstannyń maqtanyshtary,- dedi aımaq basshysy Q.Kósherbaev.
Forýmda eńbek áýletteriniń ókilderi eńbekshi otbasylarynyń mereıin ústem etken aımaq basshysyna alǵysyn bildirdi. Shara sońy merekelik kontsertke ulasty.
