Qyzylordada eńbek maýsynyń jabylý saltanaty ótti
QYZYLORDA. QazAqparat - Qyzylorda oblysynyń jastar saıasaty máseleleri basqarmasynyń qoldaýymen, «Qyzylorda oblysynyń jastar odaqtary» qoǵamdyq birlestigi jáne «Jas qurylysshylar» eńbek jasaǵynyń uıymdastyrýymen oblystyq eńbek maýsymynyń jabylý saltanaty jáne jastar baly ótti.
Bul týraly QazAqparat tilshisi habarlady
Oblys ortalyǵynda 4-shi jyl qatarynan uıymdastyrylǵan sharada «Jasyl el» jastar eńbek jasaqtarynda ár aýdan jáne Qyzylorda qalasy boıynsha eńbek etip, belsendi atsalysqan jastar men qurylys nysandarynda eńbek etip, ár túrli mamandyqtar boıynsha úzdik dep tanylǵan jastar arnaıy alǵys hattarmen, baǵaly syılyqtarmen marapattaldy.
Munan bólek, jastar balynda 30 jupqa bólingen jastar vals bılep, barlyq qatysýshylar arasynda lotereıalyq oıyndar oınatyldy. Oblysymyzǵa tanymal belgili óner juldyzdary jáne jaıdarmanshylar óz ónerlerin kórsetti.
Aıta ketý kerek, aǵymdaǵy jyly «Jasyl el» jastar eńbek jasaqtary qatarynda oblys boıynsha 1035 jas sarbaz jumys jasasa, qurylys nysandarynda, ıaǵnı 28 mekemede 316 jas jumyspen qamtyldy. Onyń ishinde 50-den astamy turaqty jumysqa ornalasty.
