Qyzylordada Elızabet Tursynbaeva sheberlik sabaǵyn ótkizdi
QYZYLORDA. QazAqparat - Belgili mánerlep syrǵanaýshy Elızabet Tursynbaeva qyzylordalyq jas órenderge sheberlik sabaǵyn ótkizdi, dep habarlaıdy QazAqparat tilshisi.
Qyzylorda qalasyndaǵy «Muz aıdyny» sport kesheninde 4 dúrkin Qazaqstan chempıony, halyqaralyq dárejedegi sport sheberi Elızabet Tursynbaeva mánerlep syrǵanaý úıirmesine qatysatyn izbasarlaryn atalmysh sporttyń qyr-syryna qanyqtyrdy.
Sondaı-aq sabaq barysynda jas sportshylardyń sheberligi shyńdalyp kele jatqanyn atap óte kele, olarǵa óziniń jyly lebizin bildirdi. Mánerlep syrǵanaý sportynan oblystyń aǵa jattyqtyrýshysy Larısa Davydovanyń bul baǵytta atqaryp jatqan jumysyna oń baǵa berdi.
Budan buryn Elızabet Tursynbaevanyń endi reseılik bapker Eterı Týtberıdzeden tálim alatyny habarlanǵan edi.
Elızabet alda kóptegen jarystarǵa qatysýdy mejelep otyr. Ol 2019 jyldyń 4-10 aqpanda AQSh-tyń Anahaım qalasynda ótetin tórt qurlyq sheberleriniń básekesinde, 2-12 naýryzda Reseıdiń Krasnoıarsk qalasynda bolatyn stýdentter arasyndaǵy búkilálemdik qysqy ýnıversıadada, 18-24 naýryzda Japonııada uıymdastyrylatyn mánerlep syrǵanaýdan álem chempıonatynda el namysyn qorǵaýdy josparlap otyr.
