Qyzylordada elimizde alǵash ret «Deni saý aımaq» jobasy qolǵa alyndy
QYZYLORDA. QazAqparat - Syr óńirinde bıyldan bastap dúnıejúzilik densaýlyq saqtaý uıymynyń eýropalyq standart talabyna sáıkes keletin «Deni saý aımaq» jobasy qolǵa alyndy. Mundaı joba elimiz boıynsha tek Qyzylorda oblysynda júzege asyrylyp jatyr, dep habarlaıdy QazAqparat tilshisi.
«Oblys ákiminiń qoldaýymen Salaýatty ómir saltyn qalyptastyrý jáne qan aınalymy júıesi aýrýlarynyń aldyn alý jónindegi is-sharalar jospary bekitildi. Onda 5 naqty mindet qoıylǵan. ıAǵnı, mundaǵy basty maqsat - azamattardyń týylǵannan bastap, qartaıǵanǵa deıingi densaýlyǵyn qadaǵalaý. Naqtyraq aıtsaq, árbir turǵynnyń zııandy ádetterden bas tartýy, tamaqtanýy, dene belsendiliginiń artýy, qan qysymy aýrýlarynyń ólshemdik sheginiń qoıylýy, tolyq medıtsınalyq tekserýden ótkizilýi, salaýatty mektep jobasynyń qatań baqylanýyn qolǵa alýy nazarda ustalady. Mine, osy joba arqyly tikeleı azamattarmen jumys jasaýǵa múmkindigimiz týady», - dedi oblystyq densaýlyq saqtaý basqarmasynyń basshysy Aqmaral Álnazarova óńirlik kommýnıkatsııalar qyzmetinde.
Nátıjesinde, qan aınalym júıesinen ólim-jitim kórsetkishi 20,5 paıyzǵa tómendedi. Jalpy, oblys halqyna 2488 dáriger, 9301 orta býyn mamandary medıtsınalyq qyzmet kórsetedi. 2018 jyldyń 6 aıdaǵy qorytyndysy boıynsha, oblys deńgeıindegi dáriger tapshylyǵy azaıdy.
