Qyzylordada elge eńbegi sińgen sportshylar marapattaldy
QYZYLORDA.QazAqparat- «Muz aıdyny» sport kesheniniń májilis zalynda aǵymdaǵy jyldyń ekinshi jáne úshinshi toqsanynda atqarylǵan jumystar qorytyndylandy. Májiliske aýdandyq, qalalyq dene shynyqtyrý jáne sport bólimi basshylary, balalar men jasóspirimder sport mektepteriniń dırektorlary, orynbasarlary qatysty. Bul týraly QazAqparat tilshisi habarlady.
Májilisti bastaý aldynda basqarma basshysy Oljas Akımov segiz sportshyǵa QR halyqaralyq dárejedegi sport sheberi, QR sport sheberi kýálikterin tapsyrdy. Ony ishinde bokstan Qamshybek Qońqabaev QR Eńbek sińirgen sport sheberi ataǵymen marapattalsa, velosporttan Ǵabıden Ázen QR Sport sheberi jáne Halyqaralyq dárejedegi sport sheberi kýálikterin ıelendi. Qalǵan sportshylar Nazerke Ómirǵalıeva (jeńil atletıka), Gúljaına Tynybekova, Qojahmet Altynbek (ekeýi de baıdarka men kanoede esý), Ersultan Álı (velosport), Ázız Sanatbaev pen Aqjol Zaıypqa (ekeýi de boks) QR Sport sheberi kýáligi berildi.
Kún tártibinde №4 jáne №5 oblystyq olımpıadalyq rezervtiń mamandandyrylǵan balalar men jasóspirimder sport mektepteriniń bilikti sportshylary men sport rezervterin daıyndaý jumystary, Syrdarııa jáne Jalaǵash aýdandarynyń dene shynyqtyrý jáne sport bólimderiniń «Dene shynyqtyrý jáne sport salasynyń negizgi kórsetkishteri» ákimshilik derekterdiń naqtylyǵy týraly habarlamalar jasalyndy.
Alqa májilisi qaralǵan máseleler boıynsha tıisti qaýly qabyldady.
