Qyzylordada elektrondyq kommertsııany damytýǵa qatysty ınternet-forým ótti
QYZYLORDA. QazAqparat - Búgin Qyzylordada e-commerce salasyndaǵy otandyq jáne sheteldik sarapshylardyń qatysýymen G-Global kommýnıkatıvtik alańynda elektrondyq kommertsııany damytýǵa arnalǵan tuńǵysh halyqaralyq ınternet - forým ótti. Sharany «Atameken» UKP jáne Qyzylorda oblysynyń ákimdigi uıymdastyrdy, dep habarlaıdy QazAqparat oblystyq ákimdikke silteme jasap.
Forým jumysyna Qyzylorda oblysynyń ákimi Qyrymbek Kósherbaev qatysyp, elektrondyq kommertsııany damytýdyń aımaq ekonomıkasy úshin mańyzy zor ekenin atap ótti.
«Elektrondyq saýdanyń tıimdiligi kóp jaǵdaıda memlekettiń saıasatyna tikeleı baılanysty. Óıtkeni elektrondyq kommertsııa offlaın bıznestiń tek qosymshasy ǵana. Eger memleket taýar óndirýshilerge jaǵdaı jasap otyrsa, al ınternet-dúkenderge mysaly, taýardy kedendik rásimdeý jáne salyq tóleý kezinde belgili bir preferentsııalar jasalýy qajet», - dedi ákim.
Qyrymbek Kósherbaev barlyq qatysýshylardy ózara tájirıbe almasýǵa shaqyrdy jáne qyzylordalyq kásipkerler aımaqta e-commerce, ıaǵnı elektrondyq kommertsııany damytýǵa qatysty barlyq usynystardy qarastyrýǵa daıyn ekenin aıtty.
Forýmnyń maqsaty - e-commerce elementteri arasyndaǵy ózara naqty baılanystardy damytýǵa yqpal etý, sondaı-aq, logıstıkalyq tizbekti ońtaılandyrý, marketıngtik tehnologııalardy ilgeriletý jáne onlaın-saýda kompanııalarynyń tabystylyǵyn arttyrý. Sonymen qatar forým spıkerleri men qatysýshylar ınternette bıznes júrgizý tájirıbelerimen bólisip, onlaın saýda júrgizýdegi elektrondyq kommertsııany damytý arqyly otandyq taýar óndirýshilerge qoldaý jasaý, onlaın-saýda júrgizýdegi elektrondyq aqshanyń róli, kóleńkeli ekonomıkany azaıtý jáne ózge de mańyzdy máselelerdi talqyǵa saldy.
