Qyzylordada elektr jelisinde apat bolyp, qala turǵyndary jaryqsyz qaldy
QYZYLORDA. QazAqparat - Qyzylorda qalasynda elektr jelisinde aqaý shyǵyp, qala turǵyndary jaryqsyz qaldy, dep habarlaıdy QazAqparat.
Bul jaıynda qalalyq ákimdiktiń Facebook paraqshasynda aıtyldy.
«Qurmetti qyzylordalyqtar! Qyzylorda qalasynda elektr energııasynyń máselesi boıynsha, AO «KEGOK» mekemesiniń menshigindegi 220kV áýe jelisiniń boıynda avarııalyq aqaý bolǵan. Sonyń saldarynan elektr energııasy keı jerlerde aǵytylyp, keı jerlerde álsiz bolyp tur» dep málimdedi qalalyq ákimdiktiń baspasóz qyzmeti.
Qazirgi ýaqytta Shymkent qalasynan habarlama kelip tústi. Avarııalyq aqaýdy joıyp, qalpyna keltirý jumysy júrgizilip jatyr.
«Aldaǵy 30-40 mınýtta barlyǵy qalypty jaǵdaıǵa qosylatynyn habarlaımyz. Aýyz sýmen qamtamasyz etetin «Bas toǵan» sý alý qurylymynda da jaryqtyń ýaqytsha óshýine baılanysty nasos qondyrǵylary ýaqytsha toqtatyldy. Aýyz sýdy qaıta berýge kúsh salynyp jatyr. Qolaısyz jaǵdaıǵa jáne atqarylyp jatqan jumysqa túsinistikpen qaraýlaryńyzdy suraımyz» dep eskertedi ákimdikten.
