Qyzylordada elektr jelileri jańǵyrtylyp jatyr

QYZYLORDA. QazAqparat - Óńirdegi elektr jelilerin jańǵyrtý men qosalqy stantsııalar ornatý jumystary úshin bıyl jergilikti bıýdjetten 100 mln teńge qarjy bólindi, dep habarlaıdy QazAqparat tilshisi.

Energetıka úı-kommýnaldyq sharýashylyǵy basqarmasynyń málimetterine qaraǵanda, bıyl elektr jelilerin jańǵyrtý men qosalqy stantsııalar ornatý jumystaryna jergilikti bıýdjetten 100 mln teńge qarjy bólingen. Basqarma esebinshe,  «Qarmaqshy aýdany, Tóretam kentindegi 35/10 kV № 22 QS-syn keńeıtý jáne qaıta jańǵyrtý», Aqaı aýyldyq  okrýginde elektr jelilerin keńeıtý men qaıta jańǵyrtý jumystary júrgizilip jatyr. Bul jumystar jyl sońyna deıin aıaqtalady.

Sonymen  qatar Qyzylorda oblysy, Syrdarııa aýdany, Besaryq eldi mekenindegi elektrmen jabdyqtaý júıesin qaıta jańǵyrtý , montajdaý jumystaryna oblystyq bıýdjetten 30 mln teńge bólindi. Qazirgi ýaqytta memlekettik satyp alý konkýrsynyń nátıjesimen «QETTK» AQ jeńimpaz bop tanylyp,  qurylys jumystarymen aýnalysyp jatyr.

Aıta keteıik, Memleket basshysy Ult jospary -  bes ınstıtýtsıonaldyq reformany júzege asyrý jónindegi 100 naqty qadam eńbeginiń  50-51-52 qadamdarynda: Elektr energetıkasy salasyn qaıta qurý, «Biryńǵaı satyp alýshy» modelin engizý máselesin kóterdi. Munyń  óńirler arasyndaǵy elektr energııasynyń ártúrli tarıfterin retteýge múmkindik beretinin aıtty. Sol kezde energııamen qamtamasyz etýdiń senimdiligin artady, óńirlerge elektr energııasyn taratýdyń shyǵyny  tómendeıdi, - dedi Elbasy. Osy baǵyttaǵy jumystar Syr boıynda búgingi kúni qarqyndy júrip jatyr deýge bolady.