Qyzylordada elektr baǵany kólik ústine qulady

QYZYLORDA. QazAqparat - Búgin Qyzylordada elektr baǵanasy kólik ústine qulap, ishindegi adamdy basyp qaldy, dep habarlaıdy QazAqparat tilshisi.

Oqıǵa búgin jergilikti ýaqytpen saǵat 14.18-de bolǵan. Bul jerge órt sóndirý jáne apattyq-qutqarý jumystary qyzmetiniń mamandary dereý jetti.

Onda 51 jastaǵy azamattyń «GAZel» kóliginiń ishinde qalyp qoıǵany anyqtaldy.

«Budan keıin órt sóndirý jáne apattyq-qutqarý jumystary qyzmetiniń mamandary arnaıy kólikpen qulaǵan baǵanany kóterdi. Zardap shekken azamattyń kóligin qaýipsiz jerge shyǵardy. Oǵan medıtsınalyq kómek kórsetildi», - dep málim etti Qyzylorda oblystyq tótenshe jaǵdaılar departamenti Órt sóndirý jáne apattyq-qutqarý jumystary qyzmetiniń baspasóz hatshysy Álııa Erejepova.

Budan buryn Qyzylordada 5 jasar bala kópqabatty úıdiń terezesinen qulap ketti.