Qyzylordada «Elbasy kitaphanasynyń aqparattyq resýrstary» aımaqtyq sharasy ótti
QYZYLORDA. QazAqparat - Qyzylorda qalasyndaǵy Á.Tájibaev atyndaǵy ǵylymı ámbebap kitaphanasynda «Elbasy kitaphanasynyń aqparattyq resýrstary» atty aımaqtyq kásibı sessııa ótti, dep habarlaıdy QazAqparat tilshisi.
Atalmysh shara búgin Qyzylorda qalasynda bastalǵan Qazaqstan Respýblıkasynyń Tuńǵysh Prezıdenti - Elbasy kitaphanasynyń «N.Nazarbaev: dáýir, tulǵa, qoǵam» atty kóshpeli kórme jobasy aıasynda uıymdastyrylyp otyr.
Kásibı sesssııa barysynda mamandar qoǵamdyq sanany jańǵyrtý baǵytynda mádenı murany zertteý men nasıhatatý salasy boıynsha tájirıbe almasty. Sondaı-aq, kitaphana, arhıv jáne mýzeı qyzmetterindegi aqparattyq tehnologııalardy damytý máseleleri talqylandy.
Atalmysh sharaǵa qatysýshylar Elbasy kitaphanasy qyzmetkerleriniń zertteý jumysy men nátıjesimen tanysty.
Jurtshylyq aldynda Qazaqstan Respýblıksy Tuńǵysh Prezıdenti - Elbasy kitaphanasy dırektorynyń orynbasary Kúláısha Aqtaeva kitaphanasy atqaratyn qyzmetter jaıynda áńgimeledi.
«Bir jádigerdiń tarıhy», «Mýzeı kollektsııalary» jobasyn qamtıtyn «Mýzeı jınaqtary» atty ǵylymı-qor mýzeıtaný baǵdarlamasy ázirlengeni atalyp ótti. Atalmysh is shara open space túrinde uıymdastyryldy.
