Qyzylordada ekstremıstik materıaldardy saqtaǵan turǵyn ustaldy

QYZYLORDA. QazAqparat - Qyzylorda oblysynda ekstremıstik baǵyttaǵy materıaldardy saqtaǵan destrýktıvti dinı aǵymdy ustanatyn turǵyn ustaldy, dep habarlaıdy QazAqparat tilshisi.

Bul baǵytta Qyzylorda oblysy Polıtsııa departamenti Ekstremızmge qarsy is-qımyl basqarmasy qyzmetkerleri jedel-izdestirý is-sharalaryn júrgizdi.

«Nátıjesinde ekstremıstik baǵyttaǵy materıaldardy saqtaǵan Qazaly aýdanynyń destrýktıvti dinı aǵymyn ustanatyn 30 jastaǵy turǵyny qolǵa tústi. Odan turǵylyqty mekenjaıy boıynsha ekstremıstik baǵyttaǵy kitaptar men jazbalar tárkilendi. Kúdikti ýaqytsha ustaý ızolıatoryna qamaýǵa alyndy», - dep málim etti Qyzylorda oblystyq polıtsııa departamentinen.

Vedomstvo málimetinshe, oǵan qatysty QR Qylmystyq kodeksiniń 174-babynyń 1-bóligimen sotqa deıingi tergep-tekserý áreketteri bastaldy. Onda áleýmettik, ulttyq, rýlyq, násildik, tektik-toptyq nemese dinı alaýyzdyqty qozdyrý jaǵdaıy kórsetilgen.

Eske salsaq, budan buryn Qyzylordada ıisshil ıt 154 sirińke qorabyna salynǵan esirtkini tapty.