Qyzylordada eksportqa baǵyttalǵan óndirister qurylýda
QYZYLORDA. QazAqparat - Qyzylordada eksportqa baǵyttalǵan óndirister qurylýda. Bul jóninde Qyzylorda oblysynyń ákimi Qyrymbek Kósherbaev 15 aqpanda halyqpen esepti kezdesýinde málim etti, dep habarlady QazAqparat tilshisi.
«Shıkizat sektoryna táýeldilikti azaıtý maqsatynda biz básekege qabiletti, eksportqa baǵyttalǵan jańa óndirister qurý boıynsha jumysty jalǵastyrýdamyz. Bul tapsyrmany Memleket basshysy óziniń «Qazaqstannyń úshinshi jańǵyrýy: jahandyq básekege qabilettilik» atty bıylǵy Joldaýynda bizdiń aldymyzǵa qoıyp otyr», -dedi oblys ákimi óz sózinde.
«Bala-Saýysqandyq» vanadıı ken ornynda tájirıbelik-óndiristik zertteýler aıaqtaldy. 2016 jyly kásiporyn metavanadat ammonıı men vanadıı totyǵyn Taıvan men Reseıge eksporttaı bastady. Metavanadat ammonııdiń synama toptamasy AQSh-qa da jiberildi. Endi basqa da elder naryǵyna shyǵarý joldary qarastyrylýda.
«Munan bólek, 2016 jyldyń qarashasynda saýda-ekonomıkalyq, ǵylymı-tehnıkalyq jáne mádenı baılanys jónindegi úkimetaralyq komıssııada brıtanııalyq kompanııa qara taqtatasty avtoklavty óńdeý boıynsha osy atalǵan ınvestıtsııalyq jobany júzege asyrýǵa yntymaqtastyq týraly kelisimge qol qoıdy. Jobanyń ІІ jáne ІІІ kezeńin 125 mln dollar kóleminde qarjylandyrý týraly sheshim qabyldandy», - dedi Qyrymbek Kósherbaev.
