Qyzylordada ekpe qabyldaýǵa qabiletti halyqtyń 93 paıyzy vaktsına aldy

QYZYLORDA. QazAqparat - Qyzylorda oblysynda 422 myńnan astam adam koronavırýsqa qarsy vaktsına saldyrdy. Bul - ekpe qabyldaýǵa qabiletti turǵyndardyń 93,4 paıyzy, dep habarlaıdy QazAqparat tilshisi.

Óńirde sanıtarlyq epıdemıologııalyq ahýal turaqtanyp keledi. Osyǵan baılanysty oblys «jasyl aımaqqa» ótti. Ótken táýlikte 12 adam qaterli ınfektsııa juqtyrdy.

Aımaqta koronavırýsqa qarsy ımmýndaý naýqanyna 106 ekpe kabıneti, onyń ishinde aýdandarda 91 kabınet tartylǵan. Sondaı-aq, shalǵaı aýyldarda, uıymdasqan ujymdarda, adamdar kóp jınalatyn arnaıy oryndarda (iri saýda oıyn-saýyq ortalyqtary, bazarlar jáne basqalary) vaktsınatsııalaý júrgiziledi.

Qazir oblysta vaktsınatsııanyń birinshi komponentimen egilgender sany - 422843 adam, ol ekpe qabyldaýǵa qabiletti turǵyndardyń 93,4 paıyzy. Ekinshi komponentpen qamtylǵandar sany - 411617 adam.

Eske salsaq, budan buryn Qyzylorda oblysynda jyl basynan beri 4,5 myńnan astam adam koronavırýs juqtyrdy.