Qyzylordada ekpe alýǵa tıis turǵyndardyń 75 paıyzy vaktsına saldyrdy

QYZYLORDA. QazAqparat - Qyzylorda oblysynda koronavırýsqa qarsy vaktsınanyń birinshi komponentimen 339 myńnan astam qamtyldy. Bul - ekpe qabyldaýǵa qabiletti turǵyndardyń 75 paıyzy, dep habarlaıdy QazAqparat tilshisi.

Óńirde indet tirkelgennen beri koronavırýs ınfektsııasymen 18414 naýqas tirkeldi. Ótken táýlikte 22 jaǵdaı anyqtaldy. Naýqastardyń 96 paıyzy emdelip shyqty, ol 17591 adamdy quraıdy.

Qazir oblys boıynsha ınfektsııalyq statsıonarda 205 naýqas (júkteme 37 paıyz) emdelýde. Al reanımatsııalyq tósek-orynda 28 naýqas em qabyldaýda (júkteme 35 paıyz).

«Búginde Qyzylorda «jasyl aımaq» qatarynda. Degenmen salǵyrttyqqa jol joq. Oblysta koronavırýsqa qarsy ımmýndaý naýqany boıynsha 106 ekpe kabıneti, onyń ishinde aýdandarda 91 kabınet halyqqa qyzmet kórsetedi. Sondaı-aq, uıymdasqan ujymdarda, adam kóp jınalatyn jerlerde (iri saýda oıyn-saýyq ortalyqtary, bazarlar jáne basqalar) KVI-ǵa qarsy vaktsınatsııa júrgizý úshin arnaıy oryndar belgilendi. Bul oryndar oqytylǵan medıtsınalyq mamandarmen jasaqtalǵan. Onda arnaıy tońazytqysh jabdyǵy bar», - dep málim etti oblystyq densaýlyq saqtaý basqarmasy basshysynyń orynbasary Jangeldi Shaıymbetov.

Vedomstvo málimetinshe, bıylǵy jyldyń aqpan aıynan bastap óńirde vaktsınatsııanyń 1 komponentimen egilgender sany 339 506 adamdy qurady.

O l - ekpe qabyldaýǵa qabiletti turǵyndardyń 75 paıyzy.

Ekinshi komponentpen qamtylǵany - 273 970 adam (60,6 paıyz).