Qyzylordada ekologııalyq problemalar talqylandy
Oǵan qatysýshylar «Ekologııalyq problemalar, aımaq ekonomıkasynyń tabıǵı jáne tehnogendik faktorlary. Úkimet azamattardyń qaýipsizdigine kepildik bere me?» taqyrybynda oı-pikirin bildirdi.
Kópshilik aldynda oblystyq fılıal tóraǵasy Talǵat Teleýbaev ekologııa taqyryby qashanda ózekti ekenin atap ótti. Qazirgi kezde qoǵamnyń damýy qorshaǵan ortany paıdalanýmen tikeleı baılanysty. Búginde ǵylym men tehnıka qaryshtap damyp keledi. Óndiris salasy órkendep, jer asty qazba baılyqtary keńinen paıdalanyla bastady. Oǵan qosa transport túrleriniń kóbeıýi qorshaǵan ortany túrli hımııalyq qosylystarmen lastaýǵa áserin tıgizedi.
«Mundaı hımııalyq qosylystardyń kóbisiniń toksındik jáne kontserogendik qasıetteri bıosferalyq tepe-teńdiktiń buzylýyna, klımattyń ózgerýine, aýyl sharýashylyq daqyldary ónimdiliginiń tómendeýine jáne halyqtyń densaýlyǵynyń nasharlaýyna keri yqpalyn jasaıdy. Adamnyń tynys alýy, tamaqtanýy, ósýi, damyýy tabıǵı orta jaǵdaıynda ótedi. Adamnyń densaýlyǵyna qorshaǵan tabıǵı orta jaǵdaıynyń áseri óte zor. Adam úshin demalatyn aýanyń, kúndelikti paıdalanatyn aýyz sýdyń, taǵamnyń taza bolýynyń mańyzy erekshe. Bizdii keıbir is-áreketimiz myńdaǵan jyldar boıy qalyptasqa orta jaǵdaıynyń zııandy ózgeristeri densaýlyǵymyzǵa keri áserin tıgizip otyr», - dedi fılıal tóraǵasy.
Dóńgelek ústelde aımaqta ekologııalyq taqyrypty keńinen qozǵap júrgen Bolat Nurqojaev bul baǵytta atqarylyp júrgen jumystar barysyn jóninde áńgimelep berdi. Bul oraıda turmystyq qaldyqtardy jıýo máselesine beıjaı qaraýǵa bolmaıdy. Qazir atalǵan taqyryp elimizde keńinen qozǵalyp keledi. Sondaı-aq, jasyl jelekti molaıtý arqyly tabıǵat tynysyn jaqsartýǵa ábden bolady.
Jıyn barysynda oblystyq tabıǵı resýrstar jáne tabıǵat paıdalanýdy retteý basqarmasy basshyynyń orynbasary Baýyrjan Ospanov aımaqta qorshaǵan ortany jaqsartý baǵytynda júzege asqan jobalar jóninde oı qozǵady.
Budan buryn oblystyq fılıaldyń uıytqy bolýymen qazirgi bilim berý máselesi talqylandy.
