Qyzylordada eki júk kóligi soqtyǵysyp, bir adam kóz jumdy
Oqys oqıǵa «Batys Eýropa – Batys Qytaı» respýblıkalyq mańyzy bar avtojoldyń Qarmaqshy aýdany Aqtóbe aýylynyń tusynda saǵat 09.00 shamasynda oryn aldy. Oqıǵa ornynda polıtsııa qyzmetkerleri, tótenshe jaǵdaı jáne medıtsına qyzmetkerleri jumys jasap jatyr.
«Jol-kólik oqıǵasy boıynsha QR Qylmystyq Kodeksiniń 345-babynyń 3-bóligi boıynsha sotqa deıingi tergeý bastaldy. Onda kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy jaǵdaıy kórsetilgen. Tıisti saraptamalar taǵaıyndaldy», - dep málim etti Qyzylorda oblystyq polıtsııa departamentiniń baspasóz qyzmeti QazAqparat tilshisine.
Qyzylorda oblystyq polıtsııa departamentin óz kezeginde joldardaǵy tótenshe jaǵdaılardy boldyrmaý úshin jyldamdyq rejımi men ara qashyqtyqty saqtaý qajettigin eskertedi. Jol qozǵalysy erejelerin buzý, ásirese qolaısyz aýa raıy men kóktaıǵaq kezinde eleýli jol-kólik oqıǵalarynyń sebebi bolýy múmkin.
Budan buryn Qyzylordada evakýator men júk kóligi soqtyǵysyp, bir adam mert boldy.