Qyzylordada eki jigit sýǵa batyp ketti

QYZYLORDA. QazAqparat - Qyzylorda qalasynda 22 jáne 23 jastaǵy eki jigit sýǵa batyp ketti, dep habarlaıdy QazAqparat tilshisi.

Qaıǵyly oqıǵa «PMK-29» saıajaı aýmaǵyndaǵy Qalǵandarııa kólinde bolǵan. Eki jigit 17 shildede keshke saǵat 21.10 shamasynda ruqsat etilmegen aýmaqta sýǵa shomylǵan.

«Qazir olardyń denesi izdestirilip jatyr. Oǵan oblystyq Tótenshe jaǵdaılar departamentinen 22 maman jumyldyryldy. Mamandar 5 tehnıka men 3 qaıyqty paıdalanýda. Oqıǵa ornyna oblystyq polıtsııa departamentiniń mamandary da keldi», - dep málim etti Qyzylorda oblystyq Tótenshe jaǵdaılar departamenti órt sóndirý jáne avarııalyq-qutqarý jumystary qyzmetiniń ókilderi.