Qyzylordada eki jasar bala úshinshi qabattan qulap ketti

QYZYLORDA. QazAqparat - Qyzylorda qalasynda eki jasar búldirshin úshinshi qabattyń terezesinen qulap ketti, dep habarlaıdy QazAqparat tilshisi.

Oqıǵa búgin, 2 maýsymda saǵat 10.20-da oblys ortalyǵynda ornalasqan Sultan Beıbarys kóshesi boıyndaǵy bes qabatty úıde boldy.

«Sábı ata-anasynyń baqylaýynsyz qalǵan. Saldarynan úshinshi qabataǵy terezeden qulap ketken. Ol oblystyq balalar aýrýhanasyna jatqyzyldy», - dedi oblystyq Tótenshe jaǵdaılar departamenti Órt sóndirý jáne avarııalyq qutqarý jumystary qyzmetiniń baspasóz hatshysy Álııa Erejepova.

Eske salsaq, Qyzylordada bıyl kópqabatty úıden bes bala qulap ketken.

Sońǵy tórt jylda osyndaı oqıǵalar saldarynan 2 bala qaza taýyp, 20 bala túrli dene jaraqatyn alǵan. Atap aıtqanda, 2018 jyly - 4, 2019 jyly - 7, 2020 jyly - 6, bıyl 5 bala osyndaı keleńsiz jaǵdaıǵa ushyrady.