Qyzylordada eki turǵynnan 9 keli «gashısh» pen «marıhýana» tárkilendi

QYZYLORDA. QazAqparat - Qyzylorda oblysynda polıtseıler jerglikti eki turǵynnan 4,3 keli gashısh pen 4,8 keli keptirilgen marıhýana tárkiledi, dep habarlaıdy QazAqparat tilshisi.

Qyzylorda oblystyq polıtsııa departamenti esirtkige qarsy kúres qyzmeti basqarmasynyń qyzmetkerleri «Refleks-2022» JPІSh sheńberinde esirtkini saqtaǵan jáne taratqan 40 jáne 65 jastaǵy eki turǵyndy anyqtady.

«Kúdiktilerdiń turǵylyqty mekenjaıyn tekserý barysynda 9 keliden astam iri mólsherde esirtki zatyn tárkilendi. Onyń ishinde 4 keli 272 gramm «gashısh» jáne 4 keli 842 gramm keptirilgen «marıhýana» ekeni naqtylandy. Olardan zattaı dáleldeme retinde esirtki zatyn ólsheýge arnalǵan elektrondy tarazy men aqshalaı qarajat tárkilendi», - dep málim etti Qyzylorda oblystyq polıtsııa dpartamentinen.

Vedomstvo málimetinshe, kúdiktiler qalalyq polıtsııa basqarmasynyń ýaqytsha ustaý ızolıatoryna qamaldy. Atalǵan derek boıynsha QR Qylmystyq kodeksiniń 297-babynyń 3-bóligimen boıynsha sotqa deıingi tergep-tekserý áreketteri júrgizilýde.

Eske salsaq, budan buryn Qyzylordada gazdy qarýmen oq atqan turǵyn qamaýǵa alyndy.

Foto: polisia.kz