Qyzylordada eki turǵyn aqsha men altyn salynǵan seıfti urlap ketti
QYZYLORDA. QazAqparat - Qyzylordada óziniń tanysynyń páterine urlyqqa baryp, aqsha men altyn salynǵan seıfti alyp ketken eki turǵyn qolǵa tústi, dep habarlaıdy QazAqparat tilshisi.
Atalmysh qylmystyq oqıǵa Qyzylorda qalasynyń irgesindegi Tasbóget kentinde bolǵan. Eki jas jigit páterge urlyqqa túsý maqsatynda aldyn-ala kelisimge keledi. Sol maqsatta Tasbóget kentine kelgen. Onda tanysynyń úıine urlyq jasaýǵa bekinedi.
«Terezesin buzý arqyly tanysynyń úıine kirip, úı ishinde turǵan seıfti qoldy etken. Seıf ishinde 1 mln 650 myń teńge aqsha jáne altyn buıymdar bolǵan. Jedel izdestirý sharalarynyń nátıjesinde jáne tergeý barysynda kúdiktiler anyqtaldy. Kúdiktiler ózderiniń qylmystyq áreketin moıyndady. Qoldy bolǵan zattardyń birshama bóligi tárkilendi. Ol zattar egesine qaıtaryldy», - dep málim etti Qyzylorda oblystyq polıtsııa departamentiniń baspasóz qyzmeti.
Eki kúdiktiniń ústinen Qazaqstan Respýblıkasy Qylmystyq Kodeksiniń 188-baby 3-bóligimen (iri mólsherdegi urlyq) aıyp taǵyldy. Qylmystyq is aıyptaý aktisimen sotqa joldandy.
Foto: clickondetroit.com
