Qyzylordada eki medıtsınalyq mekeme teris nátıjesi bar PTsR synamalarynyń sertıfıkatyn satqan

NUR-SULTAN. QazAqparat - Qyzylorda oblysynyń Sybaılas jemqorlyqqa qarsy qyzmeti 2020-2021 jyldary teris nátıjesi bar COVID-19 PTsR synamalarynyń sertıfıkatyn satýmen aınalysqan eki medıtsınalyq mekemeniń qyzmetkerlerine qatysty qylmystyq isti tergeýde, dep habarlaıdy QazAqparat vedomstvonyń Telegram kanalyna siltememen.

PTsR synaǵynyń sertıfıkattary ár túrli maqsattarda paıdalanýǵa arnalǵan: vahtalyq ádispen jumys isteıtin jumysshylar, shetelge saıahattaıtyn adamdar, Baıqońyr qalasyna kiretin jáne t.b.
Sonymen birge, medıtsına qyzmetkerleri 1 anyqtama úshin 7 myń teńge kóleminde zańsyz syıaqy alǵan. Olar bul aqshany Ulttyq saraptama ortalyǵy oblystyq fılıalynyń laýazymdy tulǵalaryna para berý qajettiligin syltaýratyp alyp otyrǵan.
Aǵymdaǵy jyldyń basynan beri Qyzylorda oblysynyń turǵyndaryna PTsR testisinen ótkendigi týraly 60 jalǵan kýálik anyqtaldy.
Osylaısha, medıtsına qyzmetkerleriniń qylmystyq is-áreketteriniń kesirinen oblys azamattaryna dert juǵý qaýpi tóngen.
Jedel izdestirý kezinde PTsR COVID-19 synamalarynyń jalǵan sertıfıkattary jasalǵan kompıýterlik jabdyq pen mór tárkilendi.
Medıtsına qyzmetkerleri kinásin tolyq moıyndaýyna baılanysty qamalǵan joq.
Tergeý múddelerine qatysty basqa aqparat jarııa etilmeıdi.