Qyzylordada eki qyz balany qaǵyp óltirgen júk kóliginiń júrgizýshisi sottaldy
QYZYLORDA. QazAqparat - Qyzylordada eki qyz balany qaǵyp ketip óltirgen júk kóliginiń 38 jastaǵy júrgizýshisi sottaldy, dep habarlaıdy QazAqparat tilshisi.
Bul oqıǵa 2019 jyldyń 30 mamyrynda bolǵan. Qyzylorda qalasyna qarasty Belkól kentindegi Ábdiqadyrov kóshesi boıynda «KaMAZ» júk kóligi kele jatqan. Aýyr kólik jol jıeginde oınap júrgen eki búldirshin qyzdy qaǵyp ketken. Nátıjesinde olardyń biri oqıǵa ornynda kóz jumsa, ekinshisi balalar aýrýhanasynda barǵannan keıin qaıtys boldy. Júk kóliginiń júrgizýshisi sol sátte mas bolǵany anyqtaldy.
«Bul oqıǵa boıynsha QR Qylmystyq kodeksiniń 345-babynyń 4-bóligimen, 347-babymen qylmystyq is qozǵaldy. Er adam toǵyz jylǵa bas bostandyǵynan aıyryldy», - dep málim etti Qyzylorda qalasynyń №2 sotynyń baspasóz qyzmetinen.
Budan buryn Qyzylordada júrginshiler jolynda kólik adam qaqqanyn habarlaǵan edik.
