Qyzylordada eki kúnnen beri habarsyz ketken qyzǵa izdeý jarııalandy
QYZYLORDA. QazAqparat - Qyzylorda qalasynda eki kúnnen beri habarsyz ketken 17 jastaǵy qyzǵa izdeý jarııalandy. Bul jóninde Qyzylorda oblystyq Polıtsııa departamenti krımınaldyq polıtsııa basqarmasynan málim etti, dep habarlaıdy QazAqparat tilshisi.
Vedomstvo málimetinshe, ol 8 sáýirde saǵat 18.30 shamasynda jumys ornynan belgisiz baǵytqa shyǵyp, qaıta oralmaǵan.
«Osyǵan baılanysty Qyzylorda oblysynyń Polıtsııa departamenti 2004 jyldyń 18 aqpanynda dúnıege kelgen Serikbaeva Ǵalııa Nurtýǵanqyzyna izdeý salady. Belgilerine toqtala ketsek: boıy 160 sm, ortasha deneli. Shashy belden keledi, ashyq qońyr tústi. Kózi qońyr tústi, qysyńqy. Qaratory kelgen. Ústine qyzyl tústi kýrtka, qyzyl tústi kóılek, qara tústi djınsy shalbar, aıaǵyna qyzyl tústi krossovka kıgen.
Jasóspirim týraly qandaı da bir aqparat nemese júrgen jeri týraly málimet bilgen jaǵdaıda : 8(7242)-29-70-10, 8(7242)-29-75-20, 8(7242)-29-75-02, 8-705-255-81-25 nemese 102 telefon nómirlerine habar berýdi suraımyz», - delingen polıtsııa habarlamasynda.
Aıta keteıik, budan buryn Qyzylordada 3 jyl buryn joǵalǵan adam Túrkistannan tabylǵan bolatyn.
