Qyzylordada eki kún buryn joǵalǵan qyz tabyldy
QYZYLORDA. QazAqparat - Qyzylorda qalasynda eki kún buryn joǵalǵan jasóspirim qyz aman-esen tabyldy, dep habarlaıdy QazAqparat tilshisi.
17 jastaǵy jasóspirim qyz 8 sáýir kúni jumystan belgisiz baǵytqa shyǵyp, qaıta oralmaǵanyn buǵan deıin jazǵan edik. Oǵan qatysty izdestirý is-sharalary júrgizilgen bolatyn.
«Nátıjesinde 10 sáýir kúni polıtseıler qalada ornalasqan kóppáterli úılerdiń biriniń aýlasynda jasóspirim qyzdyń júrgenin anyqtady. Ol ata-anasyna jetkizildi. Kámelet jasyna tolmaǵan qyzdyń densaýlyǵyna eshqandaı qaýip-qater tónip turǵan joq», - dep málim etti Qyzylorda qalalyq polıtsııa basqarmasynan.
