Qyzylordada eki qabatty úıde gaz jaryldy
Atalmysh tótenshe oqıǵa búgin, 15 tamyz saǵat 13.40 mınýtta bolǵan. Oblys ortalyǵyndaǵy Álıhan Bókeıhan kóshesi №45 úıdiń ekinshi qabatynda ornalasqan №3 páterde redýktordaǵy aqaýy saldarynan 27 lıtrlik ballonnan gaz aýaǵa taralǵan. Nátıjesinde ol janýsyz kúıdegi jarylysqa sebepshi boldy.
«Oqys oqıǵa saldarynan 1942 jyly dúnıege kelgen azamatsha kúıik jaraqatyn aldy. Ol qalalyq aýrýhananyń travmatologııa bólimshesine jetkizildi. Sondaı-aq, «Apattar medıtsınasy ortalyǵy» fılıalynyń qyzmetkerleri osy úıdiń turǵyndaryna medıtsınalyq jáne psıhologııalyq kómek kórsetti. Al turǵyn úıdiń №1, 3 páter turǵyndary týysqandarynyń úılerine ornalastyryldy», - dep málim etti Qyzylorda oblystyq tótenshe jaǵdaılar departamentiniń baspasóz qyzmeti.
Budan buryn Aralda sora egilgen alqap tabylǵanyn habarlaǵan edik.