Qyzylordada eki brakoner qaraquıryq soıyp jatqan jerinen ustaldy
QR AShM Orman sharýashylyǵy jáne janýarlar álemi komıtetiniń baspasóz hatshysy Sáken Dildahmet zańsyz ańshylyq týraly Feısbýktegi paraqshasynda jazdy. Belgili bolǵandaı, 11 qyrkúıekte saǵat tańǵy 04:00-der shamasynda Qyzylorda oblystyq orman sharýashylyǵy jáne janýarlar dúnıesi aýmaqtyq ınspektsııasy men «Ohotzooprom» ÓB» RMQK Qyzylorda fılıalynyń ınspektorlary birlesken reıd barysynda Qyzylorda oblysy Qazaly aýdany Aqsýat aýylynyń turǵyndary B.Q. (1975 j) men Sh.A-ny (1973 j) eki bas qaraquıryq ańyn soıyp jatqan jerinen ustalǵan.
«Oqıǵa ornynan qaraquıryq ańynyń soıylǵan 2 denesi, 12 kalıbrli qos uńǵyly ańshy myltyǵy, ótkir jaryq salǵysh qural men memlekettik nómiri 587 EYA 11 KZ Toıota «Lend Krýzer 105» avtokóligi anyqtaldy. Jınaqtalǵan qujattar men aıǵaqty zattar Qazaly aýdanynyń Іshki ister bóliminde tirkelip, QR Qylmystyq Kodeksiniń 337-baby 4-tarmaǵy 2-tarmaqshasy boıynsha qylmystyq is qozǵaldy», - deıdi Sáken Dildahmet.