Qyzylordada eki bala sýǵa batyp ketti
Qaıǵyly oqıǵa Jańaqorǵan aýdanynyń Besaryq aýylynda bolǵan. Balalar Túrkistan oblysynyń Tóle bı aýdanynda turady. Jasóspirimder sýǵa ketkende janynda anasy da bolǵan. Ony qasyndaǵy adamdar qutqaryp qalǵan. Qazirgi tańda jedel qutqarý jasaǵynyń mamandary balalardy izdestirý sharalaryn júrgizýde.
«Búgingi kúnge deıin oblysta 29 adam sýǵa ketti. Onyń 12-si bala. Byltyr jyl boıyna sý aıdyndarynda 22 adam kóz jumǵan edi», - dedi Qyzylorda oblystyq Tótenshe jaǵdaılar departamenti bastyǵynyń orynbasary Saıd Moldaqaraev.
Adamdardyń sýǵa ketýi jóninen Qyzylorda oblysynyń Jańaqorǵan aýdany aldyńǵy orynda. Bul jaǵdaıdyń basty sebebi retinde azamattardyń ruqsatsyz shomylý, balyq aýlaý jáne balalardyń ata-ana qaraýynsyz qalýy sekildi jaǵdaılardy atap ótýge bolady.
Tótenshe jaǵdaılar departamentiniń mamandary belgilenbegen jerde sýǵa túsetinder úshin tıisti aıyppul salýdy josparlap otyr. Aldymen azamattarǵa eskertý berilip, ol jaǵdaı taǵy qaıtalansa aıyppul salynady.
Eske sala ketsek, budan buryn Qyzylordada 10 jasar bala sýǵa batyp ketken edi.