Qyzylordada eki adamnan kıik múıizi tárkilendi
QYZYLORDA. QazAqparat - Qyzylorda oblystyq ІІD-niń Tabıǵatty qorǵaý polıtsııasy qyzmetkerleri kıikti qorǵaý baǵytynda ótkizgen reıdtik jumys barysynda zańsyz ań aýlaǵandardy qolǵa túsirdi. Bul týraly OІІD baspasóz qyzmeti habarlady.
29 aqpanda saǵat 12.00-de polıtsııa qyzmetkerleri kúdik týdyrarlyq azamatty toqtatyp, tekserý barysynda qujattary joq ekendigi belgili boldy. Sonymen qatar, qolyndaǵy polıetılen paketin tekserý kezinde pakettiń ishinen birneshe kıik múıizi tabyldy. Atalǵan derek boıynsha QR Qylmystyq kodeksiniń 339-baby boıynsha qylmystyq is qozǵalyp, tıisti tergep-tekserý jumystary júrgizilýde.
Dál sol kúni keshke osyndaı oqıǵa qaıtalandy. Qyzylorda qalasy «Syrdarııa» shep beketinde reıd ótkizý barysynda «Aýdı-100» markaly avtokólik toqtatyldy. Tekserý júrgizý barysynda kólik jolaýshysynyń qolyndaǵy paketinen 7 kıik múıizi anyqtaldy. Oqıǵa basyna jedel-tergeý toby shaqyrtylyp, múıizder aıǵaq retinde alyndy. Atalǵan derek boıynsha tıisti saraptamalar taǵaıyndalyp, tekserý jumystary júrgizilýde.
Eger de, ustalǵan azamattardyń QR Qylmystyq kodeksiniń 339-baby boıynsha kinási tolyq dáleldengen jaǵdaıda, olarǵa 3 myń AEK mólsherinde aıyppul salýǵa ne ne úsh jylǵa deıingi merzimge bas bostandyǵyn aıyrý jazasy berilýi múmkin.
