Qyzylordada dzıýdodan respýblıkalyq týrnır bastaldy
QYZYLORDA. QazAqparat - Qyzylorda oblysy, Jalaǵash kentinde aýyl sharýashylyǵynyń kórnekti uıymdastyrýshysy Móráli Shámenovti eske alýǵa arnalǵan dzıýdodan 2003-2005 jyldary týylǵan jasóspirimder arasynda respýblıkalyq týrnır ótýde.
Bul týraly QazAqparat tilshisi habarlady
Dúbirli básekege Astana qalasy, Almaty, Aqtóbe, Atyraý, Mańǵystaý, Ońtústik Qazaqstan, Batys Qazaqstan, Jambyl, Qaraǵandy jáne Qyzylorda oblystarynan 300-den asa tatamı sheberleri 9 salmaq dárejesinde (35, 38, 42, 46, 50, 55, 60, 66, +66 keli) júldelerdi sarapqa salady.
Jarystyń bas tóreshisi Arman Moldahanovtyń aıtýynsha, respýblıkalyq týrnırge jyl ótken saıyn qatysýshylar sany kóbeıip, óz aýqymyn keńeıtýde. Bıyl Qyzylorda oblysynyń ózinen 150-ge jýyq balýandar baq synaıdy. Sondaı-aq, baıraqty báseke jeńimpazdary odan ári iri dodalarǵa iriktelinetin bolady.
