Qyzylordada dostarymen balyq aýlaýǵa shyqqan 55 jastaǵy azamat sýǵa batyp ketti

QYZYLORDA. QazAqparat - Qyzylorda oblysynda balyq aýlaýǵa shyqqan 55 jastaǵy adam kishi Aral teńizine sýǵa batyp ketti, dep habarlaıdy QazAqparat tilshisi.

Oqıǵa Aral aýdany Mergensaı aýyly aýmaǵyndaǵy teńiz aýmaǵynda boldy. Dostarymen balyq aýlaýǵa shyqqan azamattyń plastmassa qaıyǵy aýdarylyp kóz jumdy.

«Órt sóndirý jáne avarııalyq qutqarý jumystary qyzmetiniń ókilderi oqıǵa ornyna 4 qutqarýshy 1 tehnıka, 1 motorly qaıyqpen bardy. Onyń denesi búgin, 17 tamyzda saǵat 10.45-te tabyldy», - dep málim etti Qyzylorda oblystyq Tótenshe jaǵdaılar departamenti órt sóndirý jáne avarııalyq-qutqarý jumystary qyzmetiniń ókilderi.

Esterińizge sala ketelik, Qyzylorda oblysynda jyl basynan beri 31 adam sýǵa ketti. Onyń ishinde 11-i bala.

Budan buryn Syrdarııaǵa batyp ketken eki balanyń máıiti tabyldy.