Qyzylordada dinı ekstremızm máselesi talqylandy
QYZYLORDA. 27 naýryz. QazAqparat - Qyzylordada dinı qatynastar salasyndaǵy aqparattyq saıasat taqyrybynda keńes ótti.
Ony oblystyq ishki saıasat basqarmasy uıymdastyrdy.
Jıyndy júrgizgen basqarmanyń bastyǵy Nurhan Jálıev, halyqaralyq ekstremızm dinı birlestikter tarapynan týyndaıtyn dinı ortadaǵy kertartpa úrdister Qazaqstannyń ulttyq múddesine de qaýip tóndiretinin atap ótti.
Atalmysh birlestikterdiń memleket aýmaǵynda tereń ornyǵyp alyp, turǵyndardyń ıdeologııalyq kózqarastaryna keri áser etýge umtylatyny belgili. Radıkalızm, fýndamentalızm jáne dinı ekstremızm sekildi uǵymdar tek ıslam dinine ǵana emes, sonymen qatar basqa dinderge de tán. Al mıssıonerler ádette óz maqsattaryn júzege asyrý úshin ómirlik tanymdary tolyq qalyptaspaǵan jastarǵa kóbirek nazar aýdarady. Sondyqtan jas tolqyndy osyndaı uıymdardyń shabýylynan qorǵaıtyn ýaqyt jetti.
Jıynǵa qatysýshylar bul kúreste buqaralyq aqparat quraldarynyń atqaratyn qyzmetiniń zor ekenin tilge tıek etti. Osy maqsatta oblysta jaqynda jýrnalısterdiń arnaıy toby quryldy. Oǵan din taqyrybynda qalam terbep júrgen tilshiler engizildi.
Keńes sońynda qaýly qabyldandy.
