Qyzylordada dıqandar shildede sýdan tapshylyq kórýi múmkin
Qazirgi tańda «Shardara» sý qoımasynda 4,5 mlrd tekshe metr sý jınalǵan. Odan tómengi bóliktegi «Kóksaraı» sý rettegishinde 560 mln tekshe metr sý bar.
«Negizinde «Shardara» sý qoımasyna 350-400 tekshe metr sý túsip turýy qajet. Bul jaǵdaıda tómengi bólikte sý tapshylyǵy bola qoımaıdy. Degenmen sońǵy kúnderde «Shardaraǵa» keletin sý birshama tómendep ketti. Ol tómengi bólikke jiberiletin sý deńgeıine áser etti. Búginde «Shardaradan» tómenge 250, «Kóksaraıdan» 350 tekshe metr bosatylýda. Bul sý mólsheri ázirge bizge jetkilikti. Dese de joǵary bólikten «Shardaraǵa» keletin sý mólsheri artpasa, qyzylordalyq dıqandar shilde aıynda odan birshama qıyndyq kórýin joqqa shyǵara almaımyz. Atalǵan máselege baılanysty qazir oblys basshylyǵy tarapynan tıisti jumystar jasalýda. El Úkimeti Syrdarııa ózeni basyp ótetin kórshiles memlekettermen sý deńgeıin arttyrý jóninde kelissóz júrgizedi dep kútilýde», - dedi «Qazsýshar» RMK Qyzylorda fılıaly dırektorynyń orynbasary Jorabek Ernazarov.
Oblystyq aýyl sharýashylyǵy basqarmasynyń 1 maýsymdaǵy málimeti boıynsha 85 myń gektardan astam kúrish egildi. Ol tolyqtaı sýǵa bastyrylǵan.