Qyzylordada densaýlyq saqtaý nysandarynyń 86 paıyzy jańartyldy
QYZYLORDA. QazAqparat - Qyzylorda oblysynda densaýlyq saqtaý nysandarynyń 86 paıyzy jańartyldy, dep habarlaıdy QazAqparat tilshisi.
2013 jyldan beri Syr óńirinde apatty jaǵdaıdaǵy medıtsına ǵımarattaryn jańartýǵa kóńil bólinip keledi. Búginde olardyń ornyna 49 densaýlyq saqtaý el ıgiligine aınaldy. Sondaı-aq, aldaǵy eki jylda taǵy 8 nysannyń qurylysyn aıaqtaý josparlanyp otyr.
Qyzylorda oblysynyń ákimi Qyrymbek Kósherbaevtyń aıtýynsha, sońǵy 5 jylda oblysta alǵashqy medıtsınalyq-sanıtarlyq kómek nysandarynyń 63 paıyzy jańǵyrtyldy.
«2018 jyly Aral aýdanynyń Bekbaýyl, Qazaly aýdanynyń Órkendeý jáne Syrdarııa aýdanyndaǵy Aqjarma aýyldarynda 3 jańa aýyldyq ambýlatorııa paıdalanýǵa berildi. Sonymen qatar, Aral jáne Qazaly aýdandyq ortalyq aýrýhanalary kópshilik kózaıymyna aınaldy. Al Shıeli aýdandyq ortalyq aýrýhanasynyń qurylysy jaqyn arada aıaqtalady. Jaqyn ýaqytta Jalaǵash aýdandyq aýrýhanasynyń qurylysy bastalady», - dedi ákim.
Aldaǵy ýaqytta Qyzylorda qalasyndaǵy onkologııalyq bólimshesi bar 300 oryndyq kópsalaly aýrýhana salynady dep josparlanyp otyr. Qazirgi kúni aýrýhana qurylysynyń jobasy ázirlenýde. Jobany oblys ortalyǵynyń sol jaq jaǵalaýynda memlekettik-jekeshelik áriptestik aıasynda júzege asyrý josparlanýda.
