Qyzylordada denesiniń kóp bóligi kúıip qalǵan balaǵa ota sátti jasaldy
Qyzylorda kópbeıindi oblystyq balalar aýrýhanasynyń jan saqtaý bólimine denesiniń 65-70 paıyzyn kúıik shalǵan 7 jastaǵy bala túsken. Gazǵa kúıip qalǵan jetkinshektiń jaǵdaıy óte aýyr bolǵan.
«Oǵan tez arada mamandandyrylǵan medıtsınalyq kómek qajet boldy. Balanyń kúıigi tereń, kólemi úlken edi. Ota jasaıtyn aımaqqa teri jetispeıtini anyqtaldy. Osyǵan baılanysty Astana qalalyq №2 balalar aýrýhanasynan kombýstıolog dáriger B. Saǵıdolla shaqyrtyldy. Ol balanyń kúıikti jarasynyń birshama bóligine aýtodermaplastıka otasyn jasady. Otaǵa kópbeıindi oblystyq balalar aýrýhanasynyń dárigerleri de qatysyp, biliktiligin arttyrdy. Otanyń ekinshi kezeńi endi 10 kúnnen soń jasalady dep josparlanýda», - dep málimdedi Qyzylorda kópbeıindi oblystyq balalar aýrýhanasynan.
