Qyzylordada demeýshiler juqpaly aýrýlar aýrýhanasyna jańa apparattar tartý etti

QYZYLORDA. QazAqparat - Qyzylorda oblystyq juqpaly aýrýlar aýrýhanasyna demeýshiler kómegimen 10 aǵyndy ottegi terapııasy apparaty tabys etildi, dep habarlaıdy QazAqparat tilshisi.

Oblystyq juqpaly aýrýlar aýrýhanasynyń materıaldyq bazasy jaqsara tústi. «Petro Qazaqstan Qumkól Resorsız» kompanııasynyń qoldaýymen emdeý ornyna aǵyndy ottegi terapııasy apparaty tabystaldy.

Jańa 10 medıtsınalyq qurylǵy Gonkong elinen jetkizilgen. Oǵan kompanııa qarjysy esebinen 24,5 mln teńge jumsalǵan.

Jańa apparattar koronavırýs ınfektsııasymen kúres maqsatynda oblystyq densaýlyq saqtaý basqarmasynyń suranysyna sáıkes jetkizilgen. Qazirgi tańda «Ulttyq ortalyq kardıohırýrgııa ortalyǵy» AQ mamandary atalǵan apparattardy tynys alý jetkiliksizdigi bar naýqastarǵa qoldanýdy usynyp otyr.

Aıta keteıik, osyǵan deıin atalǵan kompanııa Qazaly aýdanaralyq aýrýhanasyna ottegi stantsııasyn ornatýǵa 58 mıllıon teńge bólgen bolatyn.

Eske salsaq, Qyzylorda oblysynda koronavırýs juqtyrǵan 89 adamnyń jaǵdaıy óte aýyr.