Qyzylordada dástúrli velomarafon ótip jatyr
ASTANA. QazAqparat - Qyzylorda oblystyq dene shynyqtyrý jáne sport basqarmasynyń bastamasymen mekeme qyzmetkerleri men áýesqoılar arasynda dástúrli velomarafon bastaldy, dep habarlaıdy QazAqparat tilshisi.
Oblystyq sport basqarmasynyń baspasóz qyzmeti málim etkendeı, velomarafon «Taǵzym» alańynan bastalyp, S.Tolybekov - Jeltoqsan - Sh.Esenov kósheleri arqyly «Evrazııa» sport kesheninde máresine jetti.
Nátıjesinde erler arasynda Pazylbek Jaqsylyq (olımpıadalyq rezerv daıarlaý ortalyǵy) birinshi bolyp kelse, tarazdyq Nurbol Kúlimbetov - ekinshi, áýesqoı sportshy Berik Kópeshov úshinshi oryndardy ıelendi.
Áıelder arasynda áýesqoı sportshylar Qarakóz Qızatova jeńimpaz atansa, ekinshi oryndy Dınara Eshatova enshiledi. Úshinshi oryn halyqqa qyzmet kórsetý ortalyǵynyń qyzmetkeri Aqzııa Qyryqbaevaǵa buıyrdy.
«Jeńiske degen jigeri úshin» - nomınatsııasymen Jandáýlet Óndireı (TJD) men Qanat Qıztov ( áýesqoı sportshy), «Jasy úlken qatysýshy» - 71 jastaǵy Aleksandr Kım marapattaldy.
Jarys jeńimpazdary men júldegerlerine oblystyq dene shynyqtyrý jáne sport basqarmasynyń dıplom, medaldary jáne jarystyń bas demeýshisi «Biali LTD» JShS baǵaly syılyqtary tapsyryldy.
Aıta keteıik, endi kúzge deıin eki apta velomarafon, eki apta júgirý jarystary dástúrli túrde ótkizilip turady.
