Qyzylordada darııaǵa batyp ketken 13 jasar qyzdyń máıiti tabyldy
QYZYLORDA. QazAqparat - Qyzylorda qalasynda eki kún buryn darııaǵa sýǵa batyp ketken 13 jastaǵy qyzdyń máıiti tabyldy, dep habarlaıdy QazAqparat tilshisi.
Oqıǵa 18 shilde kúni jergilikti ýaqytpen saǵat 8.43-te tirkelgen. Dostarymen birge serýenge shyqqan qyz bala oblys ortalyǵynyń týberkýlez aýrýhanasy aýmaǵyndaǵy darııa boıynda sýǵa túsken. Sol sátte sýǵa batyp ketken.
Іzdestirý jumysyna oblystyq tótenshe jaǵdaılar salasynyń mamandary tartyldy.
Qyz balanyń máıiti búgin, 20 shildede jergilikti ýaqytpen 7.40-ta tabyldy.
«Qyzdyń denesi oqıǵa ornynan birneshe shaqyrym qashyqtyqta ornalasqan Talsýat aýyly tusyndaǵy darııada qalqyp júrgen jerinen jaǵaǵa shyǵaryldy», - málim etti Qyzylorda oblystyq tótenshe jaǵdaılar departamenti órt sóndirý jáne avarııalyq-qutqarý jumystary qyzmetiniń ókilderi.
