Qyzylordada darııaǵa aǵyp ketken azamattyń denesi tabylmaı jatyr
QYZYLORDA. QazAqparat - Qyzylorda qalasynda darııaǵa aǵyp ketken adamnyń denesi birneshe kúnnen beri tabylmaı jatyr, dep habarlaıdy QazAqparat tilshisi.
Atalmysh azamat Sultan Beıbarys kóshesi boıyndaǵy kópirden sýǵa ketken. Ońtústik óńirlik aeroutqyr jáne jedel qutqarý jasaǵy mamandary dereý izdestirý sharalaryn bastady. Degenmen, odan esh nátıje shyqqan joq.
Ońtústik óńirlik aeroutqyr jáne jedel qutqarý jasaǵynyń basshysy Baqyt Embergenovtiń aıtýynsha, izdestirý sharalary jalǵasady. Bul maqsatta mamandar belsendi áreket júrgizýde.
